కవితాంధ్ర

నిన్ను చూచి ఆకాశం.
తన నుదుట తిలకం దిద్దుకున్నది

నిన్ను మెచ్చి మధుమాసం
తన నడకను నీ దిశగా మార్చుకున్నది

నిండు పున్నమి దరహాసం
నీ ఆధరాన చేరి
ఆనంద తాండవం చేస్తున్నది

గాలికి ఎగిరిన
నీ కురులను చూచి
నీలి నింగి వంగి వంగి
వందనాలు చెబుతున్నది

నీ సౌందర్యదీప్తిని గని
మల్లె ముందారం సన్నజాజి
మూతి ముడుచుకుంది

ఇన్నిన్ని వన్నెల చిన్నెల
సోయగాల చెలువములు తిలకించి

ప్రకృతి నీకు ప్రణామం చేస్తున్నది