ప్రేమించు

ప్రేమించు, ప్రేమను పంచు
ప్రేమగా పలకరించు
చూపుల్లో వెన్నెల చిలకరించు
పెదవుల్లో చిరునవ్వులు ఒలికించు
మాటల్లో మమతను పలికించు
మౌనంలో శాంతిని వెలయించు
చేతల్లో సేవలు అందించు
ఆశించకు లంచం, అది కరిగే పొగమంచు
మంచిని శ్వాసించు, వంచన ద్వేషించు
కరుణను కురిపించు, వరుణుని మరిపించు
ధర్మం ఆచరించి , కాలాన్ని జయించు
గొప్పలు కాదంచు, తప్పులు మన్నించు
ధ్యానించు ,లోపలి లోకం తిలకించి
జ్ఞానం సంపాదించు
బోధించు, జీవన సారం ఎరిగించి
బోధి వృక్షమై వ్యాపించు
సాధించు ,సర్వ ధర్మములు పాటించి
కైవల్యం సంపాదించు .