కవితాంధ్ర

నాకు కోయిలలంటే ఇష్టం

కోమల సుమ దళాలంటే ఇష్టం

ఆమని ఆగమనం విని

పూవై విరబూయడం ఇష్టం

**
అవనిలోని అందాలన్నిటిని

అవలోకించింది నా నయనం

నా ప్రమేయం లేకుండా

నా కలంలోకి చొరబడింది ప్రణయం

నల్లేరు మీద బండి నడకలా

సాగింది నా బతుకు పయనం

నాలో ఉన్న మనసే

ఒక అందాల బృందావనం

**
ఎప్పుడూ నాతో నేను

సావధానంగా మాటాడుకొంటాను,

ఏకాంతాన్ని ఒక అందమైన

పాటగా పాడుకొంటాను

**
క్షీర నీర న్యాయం నాకు తెలుసు

ఎదుటివారిలో మంచిని మాత్రమే

చూస్తుంది నా మనసు

**
ఏది తోచనప్పుడు

నాలోకి నేను వెళ్ళిపోతాను

ఎవరు లేనప్పుడు

నాతొ నేను మాటాడుకుంటాను

**
ఎంత మంచివాడో ఆ దేవుడు ,

అడగకుండానే అన్నీ ఇచ్చాడు

ఇంకా అవసరమని తోచినప్పుడు

ఆయనే నాలోకి నడచి వచ్చాడు

**
వెన్న లాంటిది నామనసు

వేయి వేణువులు ఒక్కసారిగా

ఎలా రవళించాలో దానికి తెలుసు

**
కోటి దీపకాంతులతో నిత్యం

నన్ను నేను వెలిగించుకుంటాను

ఒక వేయి వీణ లుగా

నన్ను నేను మీటుకొని,

కోటి రాగాలు పలికించుకుంటాను

( నాలోనేను నాతోనేను కావ్యం నుండి కొన్ని