కవితాంధ్ర

ఒక చిరునవ్వు
చెంతకు రా రమ్మని పిలిచింది
అల్లన వొంగిన నయనం
సుస్వాగతమని హారతులిచ్చిది

అధర బింబాననం
చిరుచుంబనానికి చోటిచ్చింది
మధురాలింగనం
మన బంధం శాశ్వతమని మాటిచ్చింది

సిరి చందనం
కెమ్మోవిని సమ్మోహనం చేసింది
సిగలోని సిరి మల్లె
వల్లెయని తలయూచింది

ఏనాటి అనుబంధమో
ఎన్ని జన్మల సంబంధమో
ఈ మధురాభినివేశం

ఇన్ని వరాలిచ్చి ..
కరుణించిన ఆమె కోసం
మనసు మందిరమై వెలిసింది