కవితాంధ్ర

ఇవ్వు ....ఇవ్వు ...ఇవ్వు
ఎదుటివారికి, లేనివారికి
ఇవ్వడంలోనే ఉన్నది ఎంతో హాయి

అనాదిగా పశువులు పక్షులు 
నదులు చెట్లు మేఘాలు సైతం
అవనికి అన్ని ఇస్తూనే ఉన్నాయి
మానవజాతి మనుగడకు దోహదపడుతున్నాయి
మధురిమలు పంచుతూనే ఉన్నాయి

సృష్టిధర్మానికి విరుద్ద్ధంగా
కేవలం తీసు (దోచు) కోవడం తప్ప
ఎక్కడెక్కడో రహస్యంగా దాచుకోవడం తప్ప
ఇచ్చే గుణం మరచిన... ఓ మనిషీ !

ఏ ప్రాణికోటిలో లేని
ఈ స్వార్ధం దుర్మార్గం
దుర్వినీతి వంటి దుర్గుణాలు
నీ కేల అలవడినాయి
నీలో దయ కరుణ ఏల కొరవడినాయి