కవితాంధ్ర

ఓ.. భగవాన్ !
ఇదే నా ప్రార్ధన
ఒకే ఒక అభ్యర్ధన ....

నన్ను నా నుంచి రక్షించు

అనవసరపు ఆలోచనల నుంచి
అర్ధం పర్ధం లేని ఆకలి నుంచి
ఆవేశ కావేషాల నుంచి దూరంగా ఉంచు
నాలోని రాక్షస ప్రవృత్తిని సంహరించు
ఓ దైవమా !
నాలోని అవలక్షణాలను శిక్షించు

అరిషడ్వర్గాలనుంచి
అందరు కోరుకొంటున్న స్వర్గాల నుంచి
అధిక భోగాభాగ్యలనుంచి
సిరిసంపదల నుంచి దారి మరలించి

నాలో జీవించు
నన్ను లాలించు
పరిపాలించు
నా మొర ఆలకించు ..