కవితాంధ్ర

నిన్న మీరు
పంపిన కావ్యం అందింది
పేజి తిప్పగానే
పరిమళం గుప్పుమంది

ప్రతి అక్షరానికి
సౌరభం అద్దినట్టున్నారు
ప్రతి పాదానికి
పరిమళం పొదిగి నట్టున్నారు
వేయేల ప్రతి కవిత
నానా సూన వితాన
వాసనల కదంబంలా ఉంది
అసలు విషయం చెప్పనా
మీ గుండెలో నాలాంటి వారెందరో
ఒకచోట గుమిగూడి గుసగుస లాడినట్టుంది

ఆ కృష్ణ శాస్త్రిలా
అని పిస్తున్నారు అచ్చం
అందుకోండి ఈ సుమగుచ్చం