కవితాంధ్ర

అప్పుడప్పుడు
నిన్ను నీవు ప్రశ్నించుకో

నిన్ను నువ్వు
గెలుచుకున్నావో లేదో 
అసలు నిన్ను నువ్వు
తెలుసుకున్నావో లేదో-
లేక... అమాయకంగా..అర్భకునిలా
భారంగా వయసు మోసుకొంటూ
తిరుగుతున్నావో ఏమో
అడపాదడపా ఆగి తర్కించుకో

ఒకసారి నింపాదిగా ఆగి
నిశితంగా విమర్శించుకో
నీ నడక
మహోదయాల వైపు సాగుతున్నదో
మరణం వైపుగా
చివరి క్షణాల కేసి దూసుకు పోతున్నదో

నిన్ను నువ్వు
తీర్చి దిద్దుకో మనిషిలా ...
ఎందుకు వృధాగా పుట్టి గిట్టే చెదలులా