12, జులై 2012, గురువారం

నీలాల ఆ గగనం

నీలాల ఆ గగనం
నీ నడుమును వలచింది
నిండైన నీ రూపం
నా ఎదురుగ నిలిచింది //

నీలోని సోయగమంతా
రారమ్మని పిలిచింది
మేనిలోని ఈ సింగారం
ఎవరమ్మా మలచింది

బిగి కౌగిట ఈ రేయి
బింబాధరమయ్యింది
అంతలోనే తెలవారి
అరుణోదయ మయ్యింది

మరు నిముషం ఆ చూపే
మలయానిలమయ్యింది
చిలిపి చిలిపి నీ పిలుపే
కలకూజిత మయ్యింది //


నీలి నీలి కన్నులలో
మందిరాలు కలవేమో
ఆ పసిడి వన్నెలలో
నందనాలు నెలవేమో

పూచిన ఆ విరులన్ని
తొలిరేయి కొరకేమో
దాచి ఆ సిరులన్నీ
దోచుకొనే దొరకేమో

మన ఇద్దరి అనుబంధం
అంతా ఒక కల ఏమో
ఇద్దరిలో ఈ మౌనం
ఇది కలవరమేమో //


6 కామెంట్‌లు:

  1. ఎప్పటిలాగానే బాగారాసారు.

    రిప్లయితొలగించండి
  2. so nice and cute,
    సోయగమంతా ,ikkada soyagam saripothundemo kadandi.
    thank you sir.

    రిప్లయితొలగించండి
    రిప్లయిలు
    1. thank you for the comment
      this is a song and the lines are fixed for the tunes
      length of each line must be same . then only it can be sung
      telugulo ''matraa kalam '' antaaru.
      you can soon here my songs sung by s p balu .& sunitha cd coming
      any thank you again

      తొలగించండి
    2. o,sorry sir,
      congratulations, waiting for you songs.
      good wishes sir.

      తొలగించండి
  3. మరు నిముషం ఆ చూపే
    మలయానిలమయ్యింది
    చిలిపి చిలిపి నీ పిలుపే
    కలకూజిత మయ్యింది //
    ఇలా ఎవరు వ్రాయగలరు మీరు తప్ప.ఇంత అందంగా కవిత ఉంటుందా అని !

    రిప్లయితొలగించండి