తీగలా వచ్చి
పూవులా విచ్చి
వాగులా నడిచి
వానలో తడిసి
వయ్యారాలన్ని కుప్పలుగా పోశావు
సింగారాలన్ని సిగ్గులుగా దాచావు //
రాజులా వచ్చి
మోజులే తెచ్చి
ముద్దులే ఇచ్చి
కౌగిలిలో గుచ్చి
వయ్యారాలన్ని వరి మడిగా చేసావు
ఒకటై పోదామని వరమడిగేసావు //
నిన్న పూచిన మల్లెలన్ని
పెదవిపై దాచానన్నావు
నిన్నకురిసిన వెన్నెలంతా
వృధా చేసానన్నావు
నిన్న రాతిరి వింతలన్నీ
కధలు కధలుగా చెప్పావు
ఎంత జాతర చేసినావని
ఊరంతా దండోరా వేశావు//
కళ్ళు రెండు మూసుకొంటే
కంటి పాపలో కొచ్చావు
ఒదిగి ఒదిగి నేనుంటే
నడుము వంపులో దాగావు
కంటి పాపలో నేనుంటే
ఏల కసురు కుంటావు
నడుము వంపులో దాగుంటే
ఏల వద్దు వద్దంటావు //
కామెంట్లు లేవు:
కామెంట్ను పోస్ట్ చేయండి