కవితాంధ్ర

అనాదిగా నన్ను నడిపిస్తున్న అక్షరానికి నమస్కారం 
అక్షరానికి వూపిరులూదుతున్న కలానికి నమస్కారం 

రేయిం బవళ్ళు ఎదలో దూరి ఊపిరాడ నీయక
ఉక్కిరి బికిరి చేస్తున్న అందానికి నమస్కారం 

చిన్ననాటి నుంచే నన్ను ఇలాగే ఉండమని 
తీర్చిదిద్దిన నాన్నగారి సంస్కారానికి నమస్కారం

ఎంతకాలం నుంచో నన్నంటి పెట్టుకొని ఉన్న 
ఎనలేని సంత్రుప్తికి ఈ సంపత్తికి నమస్కారం

ఏ ప్రలోభాలకు తల ఒగ్గకుండా జాగ్రత్తగా 
నను మలచిన నా హృదయానికి నమస్కారం

ఏ ఒడిదుడుకులు బడబానలనాలు లేకుండా 
నన్ను నడిపిస్తున్న కాలానికి నమస్కారం