కవితాంధ్ర

ఆమె నుదుట అలదిన సిందూర చందనం
అమృతమూర్తి ఆమెకిదే నా అభివందనం

ఆమె హృదయంలో అనంత రాగాలు ఎన్నో
ఆమె కొలువున్న ప్రాంగణం నవనందనం

ఆమె గలగలమని నిండుగా నవ్వుతుంటే
జగతిలోని ప్రతి అణువు కడు సుందరం

ప్రేమ ప్రణయం అనురాగం రంగరించుకున్న
ఆమె మనసే ఒక అందమైన మందిరం

ఒక అతిలోక రహస్యం చెప్పనా ఆమె
అపురూపమైన సృష్టే కదా మనమందరం

అనురాగమయి ఆమె తోడు లేకుంటే కృష్ణా
మగవాని జీవితం అంధకార బంధురం