కవితాంధ్ర

’తలనిండ పూదండ దాల్చిన రాణి 
మొలక నవ్వుల తోటి మురిపించబోకే ‘’

ఏవీ ! ఆ మొలక నవ్వులు 
తలనిండ పూదండలు 
ఎక్కడా కనబడడం లేదు

నిడుపాటి కురులు వాలు జడలు
మటుమాయ మైన కాలంలో
అందమైన నవ్వులు విని
చిలిపి అలకలు కని ఎంత కాలమైంది

పాట వినడానికి బాగుంది కాని
ఆ మనోహర దృశ్యం ఎక్కడుంది
అధవా ఉన్నా వాటిని హత్తుకొని
ఆనందించే పారవశ్యం ఎందరిలో ఉంది

ఏ గుండెలో చూచినా మండుటెండలు
ఎండమావులు వడగాడ్పులు
ఎక్కడా కనిపించవు
వెన్నెల సోనలు ఏరువాకలు

మరుమల్లికలు
వికసించ వలసిన మనసులో
మరీచికలు విడిది చేసాయి 

ఇక ఎవరికీ కావాలి
ఈ మందహాసాలు మధుమాసాలు
నవ్వులు పువ్వులు వెన్నెలలు

''నా కంటి పాపలో నిలిచి పోరా
నీ వెంట లోకాల గెలువనీరా''

ఎన్ని పాటలున్నాయో
జీవితాన్ని రసమయం చేస్తూ
ఎంత చెప్పినా అర్ధం చేసుకో .....రూ -----------------