కవితాంధ్ర

అమ్మా !

ఏమిటి నా నేరం
నే చేసిన పాపం

నీ పాపగా పుట్టడమేనా
ఆడపిల్లగా అడుగెట్టడమేనా

ఎందుకమ్మా ఈ శాపం
ఎందులకీ ..శోకం//

1
మాతృత్వం వరమంటారే
మమతా మమకారాలు
నీ సొంతం అంటారే

చిగురు గానే చిదిమేస్తే
మొగ్గలోనే తుంచేస్తే
ఆ తల్లి బిరుదు ఏలనమ్మా

అమ్మకు అర్ధం లేదమ్మా
నీ జన్మ వ్యర్ధమమ్మా //

2
నీవూ ఒక అమ్మ పాపవే
ఆమె కలల రూపానివే

నాకీ శిక్ష ఏలనమ్మా
నాపై కక్ష ఎందుకమ్మా

నిను చూడాలని ఉంది
నాకు జన్మ ఇవ్వమ్మా

అమ్మా అని పిలవాలని వుంది
ఆవకాశం ఇవ్వమ్మా //