కవితాంధ్ర

ఆమె నవ్వుతుంది
ఆ పరిమళం నన్ను తాకుతుంది
ఆమె నడుస్తుంది
ఆ అడుగుల సవ్వడి నన్ను తట్టి లేపుతుంది

ఆమె పాడుతుంది
ఆ పాట నన్ను పరవసింప జేస్తుంది
ఆమె పిలుస్తుంది
అది పిల్లనగోవి పిలుపులా నాకు వినిపిస్తుంది

చిత్రం .....
ఆమె ఎవ్వరో నాకు నిజంగా తెలియదు
ఆమెను ఎప్పుడు ఎక్కడా చూచినట్టు లేదు

ఆమె ఎవ్వరో
నాకు తెలియకున్నా
ఈ భావావేశాలు నాలో
ఎలా కలిగేనో అవగతం కావడం లేదు

కాని
ఒక అనుమానం
నాలోనే
నా గుండెలో
ఏ మూల గది లోనో
తానూ దాగున్నదేమో
నాతో చిలిపిగా
దాగుడుమూత లాడుతున్నదేమో

గీతాలై
కావ్యాలై
రసరమ్య రాగాలై
అప్పుడప్పుడు ప్రత్యక్షమై
నన్ను అమరుణ్ణి చేస్తుందేమో

కచ్చితంగా
ఆమె నాకు తెలుసు
బహుశా !
ఆమె నేమో నా మనసు