కవితాంధ్ర

ఎత్తైన హిమాలయం 
అరుదైన మహోదయం 
భరత మాత పుణ్యఫలం 
అతి పవిత్ర గంగాజలం 

అన్ని కలిపిన -- అతడే 
అతడే అతడే మహాత్ముడు //

కొల్లాయి గట్టినాడు 
కర్ర చేత బట్టి నాడు 
తెల్లవారిని ఎల్లల దాకా 
తరిమి తరిమి కొట్టాడు 

అతడే అతడే గాంధీ తాత 
స్వతంత్ర భారత భాగ్య విధాత //

అహింసా వాదంతో 
అద్భుతాలు చేశాడు 
జాతిని మేల్కొలిపే 
బోధ లెన్నో చేశాడు 

అతడే అతడే జాతి పిత 
అతనికి అంజలి ఘటియిస్తున్నది 
నేడు , భరత జాతి -భరతమాత //