కవితాంధ్ర

ఉదయాన్నే 
విరిసిన ప్రతిపువ్వు 
నీ కాళ్ళావేళ్ళా పడి బ్రతిమలాడుతోంది
నీ అంగుళులు తాకి తరించాలని 

ఆ పువ్వు
వెదజల్లిన పరిమళం
నీ చుట్టూ అల్లిబిల్లిగా తిరుగుతోంది
తన జీవితాన్ని సార్ధకం చేసుకోవాలని

పువ్వు గొప్పా
నువ్వు గొప్పా
నన్ను పట్టి పీడిస్తున్న సందేహం

##

ఆశ్చర్యంతో
తలమునకలై ఉన్న
నన్ను తట్టి
బుగ్గ మెలిపెట్టి
సంశయం తీర్చావు

సుమం సంగతి
ఏమో కాని
నీది మాత్రం
అలవికాని సౌందర్య దాహం