కవితాంధ్ర

మనిషి
డబ్బుకోసం
అహర్నిశలు ఆయాసపడి
సంపాదించి ఆరోగ్యం పోగొట్టుకుంటాడు

అదే ఆరోగ్యంకోసం
ఎంతో శ్రమపడి సంపాదించిన
డబ్బు మొత్తం పోగొట్టుకుంటాడు

రేపటి మీద
తాపత్రయంతొ
ఈ రోజును అనుభవించ లేడు
అలా అని రేపటిని ఎల్లుండిని కూడా

అతడు
మరణించాడని
అనుకోవడమే గాని
నిజంగా బతికిందెప్పుడు
అన్న సందేహం,అందరిలో మిగిలి పోతుంది

---(నా కావ్యం ‘’ఆరడుగుల నేల ఆహ్వానించిన వేళ’’’ నుండి )