కవితాంధ్ర

ఆకాశాన్ని
అటునిటు కలుపుతూ
ఆ వంతెన ఏమిటనుకున్నారు

ఆ దిక్కుని 
ఈ దిక్కుని
అనుసంధించిన
అందాల వారధి
ఆ రధ సారధి ఎవరనుకున్నారు

ఆ హృదయంగమ
సంగమభంగిమ
ఎలా వచ్చిన దనుకొన్నారు
......... ... ......
ఓ కాంతి కిరణం
ఓపలేని తాపంతో
ఒక హిమబిందువు
కెమ్మోవిని
సమ్మోహనంగా చుంబిస్తే ....

ఆ రమణీయ దృశ్యం
ఆ నింగి నీలాలలో
రచించిన
రంగవల్లుల మృదు లాస్యం
కనులారా కాంచిన ఆకాశం

అరసిగ్గుతో
మోమును దాచుకొన్న
అందాల పయ్యెద జిలిబిలి సోయగం