కవితాంధ్ర

అందమే శ్రీగంధమై.....
--------------------- 
ఆ కనుబొమలు 
కలిసిన చోట ఒక సూర్యోదయం

ఆ కంటి రెప్పలు 
వాలిన చోట ఒక స్వప్నమందిరం

అ పెదవులు
విచ్చుకున్నచోట ఒక అమృత భాండం

ఆ మధువులు 
దాచుకున్న చోట ఆనంద తాండవం

ఆ నడకలు 
నాట్యమైన చోట ఒక శూన్య నందనం

ఆ అడుగులు 
తడబడిన చోట మదమరాళ నర్తనం

ఎదురు చూస్తున్నది
మనసు మందిరం 
మమతలు 
చిగురించిన మల్లెల ప్రాంగణం

కదలి పోతున్నది 
వెన్నెల జలపాతం 
కమనీయంగా పాడుకొంటూ 
ఒక మధుగీతం