కవితాంధ్ర

ఈ వారం ఒక గీతం 
--------------------------------
కంచే చేను మేస్తుంటే 
అడుగడుగున వంచన ఎదురౌతుంటే 
మనిషిని మనిషే కబళిస్తుంటే 
జాతి జవసత్వా లడుగంటుతు ఉంటె 
ఎన్నాళ్ళి మోసం ఇంకా ఎన్నాళ్ళి సహనం 
మేదావుల్లారా మౌనం వీడండి
ఈ మధనం ఈ దహనం 
ఎన్నాళ్ళో ఆలోచించండి //

ఎటు పోతోంది దేశ సంపద 
పొంచి ఉన్నది పెద్ద ఆపద 
ఏమౌతున్నవి జాతిఫలాలు 
ఎవరా కబళించే క్రూరమృగాలు 
ఏలికలారా ఎందుకు మీరండి 
ఇందుకు కారకులెవరో చెప్పండి //

దేశం అంటే మనుషులని 
మనిషి కోసమే దేశమని 
మరచిపోయిన మన నాయకులు 
మనిషిని ఓటు అనుకొంటుంటే 
ఓటుకు నోటు అంటుంటే 
జాతి జనులారా మేలుకొనండి 
జాగృతమై ఈ ద్రోహం ఖండించండి //

సంపద అంతా గుట్టలు గుట్టలు 
దేశం నిండా పాముల పుట్టలు 
ఎన్నాళ్ళి పిదప కాలమని 
అక్రందించే ఆకలి పొట్టలు 
చలిచీమల్లారా ఏకం కండి 
పడగెత్తిన పాముల పని పట్టండి //