కవితాంధ్ర

నిన్ను నువ్వు దాటి
ఏపుగా ఎదగలేక పోవడం
వలననే ఈ నీలి నీడలు

ఎప్పుడు 
ఉన్న చోటనే ఉండిపోతే
ఎక్కడ వేసిన గొంగళి లా
అక్కడే పడి ఉంటె
ఎలా కనిపిస్తాయి నింగి జాడలు

‘పాపం పుణ్యం
ప్రపంచ మార్గం’ తెలుసుకొంటేనే
ఆ మహాకవిని కలుసుకొంటేనే
అవగతమౌతుంది
జగన్నాధ రధచక్రాలంటే ఏమిటో
అద్భుతంగా ఎదగడమంటే ఏమిటో

నీ నీడనే నువ్వు చతికిల బడితే ఏం ప్రయోజనం
ఎప్పుడు ఎలా ఎలా చేరుకుంటావు శతయోజనం