కవితాంధ్ర

ఎంత గొప్పవాడో మంచివాడో ఆ దేవుడు 
అనుకున్న దానికన్నా ఎక్కువే ఇచ్చాడు 
ఇంకా అవసరమని తోచినప్పుడు 
ఆయనే స్వయంగా నాలోకి నడచి వచ్చాడు 

గొప్ప పంటలేవి నేను పండించ లేదు 
మనసును కోరికలతో మండించ లేదు 
కనుకనే కాబోలు ఏ వేళలోనైనా 
ఏ ఎండమావి నన్ను దండించలేదు 

ఎప్పుడు వెన్నెలలోనే నా విహారం 
కారుచీకట్లు నాకు ఎంతో దూరం 
ప్రేమ కావ్యాలు రచిస్తున్నానని కాబోలు 
నా జీవన ప్రాంగణమంతా మలయసమీరం