కవితాంధ్ర

ఒక ప్రియ గానం 
-----------------
రారాదా 
వచ్చి పోరాదా 
పోరాదా 
గుండెలో ఉండి పోరాదా
బ్రతుకంతా నిండి పోరాదా //

చెప్పరాదా 
గొప్ప గాదా లహరులు 
చెయ్యరాదా 
రాదా మాధవ లీలలు
చెంప మీద
కవిత రాసి పోరాదా 
కెంపులన్ని
తొంగి చూసి పోరాదా 

కరుణించి 
ఒక కావ్యమై పోరాదా
కవివి నీవు కారాదా //

ఎదలోన 
ఒదిగి ఒదిగి పోరాదా 
ఒడిలోన 
పసి పాపవు కారాదా
లాలనగా 
నన్ను అల్లుకోరాదా 
అల్లుకొని 
హరివిల్లువు కారాదా 

అరుదెంచి 
ఒక గీతమై ఉండి పోరాదా
నాజివితమే పండించ రాదా //

tagTag Photo