కవితాంధ్ర

మనం మనుషులుగా ఉందాం \

ఇంటిలో ఆవరణలో ఒక చెట్టైనా లేకున్నా
ఆవరణలో ఇంకుడుగుంట నిర్మించుకోకున్నా
అమూల్యమైన నీటిని నిర్లక్ష్యంగా వృధా చేసినా 
అందరికి ఇబ్బంది కలిగించేలా నడిరోడ్డు మీద వాహనాలు పార్క్ చేసినా
తనకున్న స్థలం కన్నా ఎక్కువ రోడ్డును కబ్జా చేసినా
రోడ్డు మీదకు వచ్చేలా ఇల్లు కట్టినా
ఆ క్రమంలో రోడ్డు మీది పచ్చని చెట్లను నేల కూల్చినా
ప్రహరి గోడలు రోడ్డులోకి చొచ్చుకు వచ్చినా
నది వీధిలోకి వచ్చేలా రాంపులు అమర్చినా
రోడ్డును ఏ విధంగానైనా ఆక్రమించినా
వీధి కాలువలు ఎవరికీ వారు అనుకూలంగా ఎక్కువగా మూసినా
ఇంటిలోని చెత్త వీధి మూలల్లో పార వేసినా

బహిరంగ ప్రదేశాలలో పొగ త్రాగినా
మూత్ర విసర్జన చేసినా
మద్యం తాగి భయభ్రాంతుల్ని చేస్తూ బండి నడిపినా
1 8 లోపు చిన్నపిల్లలకు బండి ఇచ్చినా
చెవిలో సెల్లుతో మెడను వంచి బండి నడిపినా
సెల్లు ఉందికదా అని బిగ్గరగా అరిచినా
నది వీధిలో చప్పట్లు కొట్టి పిలిచినా
వీధుల్లో కాగితాలు చింపి పారవేసినా
వీదులను ఏ విధంగా నైనా అశుభ్రం చేసినా
పందులు ఆవుల వంటివి పట్టణ వీధుల్లోకి వదిలినా
మీటర్లు బిగించుకోకుండా నీటి చౌర్యానికి పాల్పడినా
సక్రమంగా బిల్లులు చెల్లించకున్నా, ఎగ్గొట్టినా

ఇంకా ఇంకా .....................................
ఎవరు అమానవీయంగా వ్యవహరించినా
ఎక్కడి కక్కడ నిలదీయాలి, ఎంతటి వారైనా సరే నిగ్గదీసి అడగాలి
ఇలాటి వారికి పెద్దమొత్తంలో జరిమానా వేయాలి కఠినంగా శిక్షించే చట్టాలు రావాలి

మనం మాత్రమే బాగుంటే చాలదు –ఇతరులు సైతం బాగుండాలి
ఇతరుల స్వేచ్చా స్వాతంత్ర్యాలకు మనం భంగం కలిగించ కుండాలి

(నేరాలు కాని నేరాలు ఇవి –నన్ను కలవర పెట్టే సంఘటనలు ఇవి - నిత్యం ప్రతి ఒక్కరికి ఎదురయ్యే సన్నివేశాలు ఇవి –అందరికి ఎంతో కొంత ఇబ్బంది కలిగించే సందర్భాలు ఇవి -ఇంకా కొన్ని వికారాలు చిన్న చిన్ననేరాలు మీకు తెలిసే ఉంటాయి -మీరూ కూడా స్పందించండి )