కవితాంధ్ర

సంఘర్షణ లోంచే
అద్భుతాలు సృష్టిస్తావు
సంగీతం రాకున్నా
సరిగమలు పలికిస్తావు

సంకల్పం ఉంటె
అనుకున్నది ఏదయినా సాధిస్తావు
సందేహం సంశయం
దహిస్తుంటే న్యూనత వేధిస్తుంటే
సాధ్యం కాదని
సన్నాయి నొక్కులు నొక్కుతావు

నిస్త్రాణ గా నిర్లిప్తంగా
పడివుంటే ఏముంది
నీలోని శక్తి యుక్తుల్ని
ప్రయోగించి చూడు
నిప్పులు చెరుగుకొంటు
నింగికి ఎగురుతావు
నిరాశా నిస్పృహలు
చుట్టూ ముట్టితే
నిర్దాక్షిణ్యంగా
నేల పైకి ఒరిగి పోతావు

దేనికయినా కావాలి ఒక ఆలోచన -
దానిని వెంటాడాలి కార్యాచరణ