కవితాంధ్ర

ఇప్పుడే అన్ని టివి చానెల్స్ లో చిన్నారి రమ్య మరణం గురించి వింటుంటే బాధ ఆగ్రహం కసి -- ఎవరు ఈ విలయానికి కారకులు
తప్పతాగిన వాళ్ళా తాగి రమ్మని పంపిన తల్లిదండ్రులా
మందు అమ్మడానికి అనుమతి ఇచ్చిన ప్రభుత్వమా -
ఎవరిని అనాలి ఎన్నాళ్ళి ఘోరకలి ?బాధగాఉంది అసహ్యంగా వుంది

ప్రభుత్వమే మందు అమ్మడ మేమిటి
ప్రజలు దానిని ఎగబడి తాగడ మేమిటి
రాత్రి కాగానే వీధుల్లో కొంపల్లో ఆగడాలేమిటి
నిరు పేద బ్రతుకులో నిత్యం ఏల ఈ కారుచీకటి

అసలీ విధానం అసహ్యం అనిపించదా,
-మద్యపానం మనిషి జీవితం కుదించదా
నిషేధం విధించకుండా ఎన్నాళ్ళి మౌనం ,
ఏ మేధోమధనం ఈ విధానాన్ని నిరసిందా

'రయ్’ మని దూసుకెళుతూ మందు బాబులు
వాళ్ళు మనుషులు కాదు మతాబులు
ఎన్ని జీవితాలు దగ్ధం కానున్నాయో –
అసలు మందు ఎందుకంటే ఏవి జవాబులు