కవితాంధ్ర

అమ్మా !
ఏమిటి నా నేరం
నే చేసిన పాపం
నీ పాపగా పుట్టడమేనా
ఆడపిల్లలా అడుగెట్టడమేనా
ఎందుకమ్మా ఈ శాపం
ఎందులకీ శోకం//

మాతృత్వం వరమంటారే
మమతా మమకారాలు
నీ సొంతం అంటారే
చిగురు గానే చిదిమేస్తే
మొగ్గలోనే తుంచేస్తే
ఆ తల్లి బిరుదు ఏలనమ్మా
అమ్మకు అర్ధం లేదమ్మా
నీ జన్మ వ్యర్ధమమ్మా //

నీవూ ఒక అమ్మ పాపవే
ఆమె కలల రూపానివే
నాకీ శిక్ష ఏలనమ్మా
నాపై కక్ష ఎందుకమ్మా

నిను చూడాలని ఉంది
నాకు జన్మ ఇవ్వమ్మా
అమ్మా అని పిలవాలని వుంది
ఆవకాశం ఇవ్వమ్మా //

(భ్రూణ హత్యలు నిరసిస్తూ..ఈ గీతం )